Langkah-Langkah Nulis Carpon Tina Gambar

1.Taliti Gambar heula

• Perhatikeun setting (tempat: sakola, lembur, pasar, gunung, jsb).

• Perhatikeun tokoh (saha nu aya dina gambar: barudak, kolot, guru, petani, jsb).

• Perhatikeun aksi (naon nu keur dipigawé: ulin, diajar, ngagarap sawah, ngabantu batur).

Catet detail anu matak narik perhatian (cuaca, ekspresi. barang nu dibawa).

2. Ngawangun Tema tina Gambar

• Tanya ka diri sorangan: naon pesan anu bisa dicokot tina gambar ieu?

• Misal gambar barudak keur bebersih sakola → temana gotong royong, silih bantu.

Gambar kolot jeung budak di sawah→ temana kerja keras, ngahargaan kolot.

3. Nentukeun Alur Carita Biasana dipaké struktur sederhana:

Mimiti: ngenalkeun tokoh jeung tempat.

Konflik: aya masalah atawa kajadian anu matak rame.

Puncak: masalahna jadi gedé, kudu aya kaputusan.

Ahir: aya panyelesaian jeung amanat.

4. Mawa Unsur Sunda

• Paké dialog sederhana dina basa Sunda nu wajar.

• Tambahkeun kabiasaan, budaya, atawa kahirupan sapopoe urang Sunda.

• Upamana aya gambar budak di sawah→ bisa dilebetkeun kaulinan barudak lembur, sora hayam,

atawa bau taneuh sawah.

5. Ngahudangkeun Rasa

• Cerpen moal kuat lamun ngan ukur nyaritakeun gambar sakadar visual.

• Tambahkeun emosi tokoh (senang, sedih, kaget, bangga, sieun).

• Pikeun juri, rasa nu karasa bakal jadi nilai plus.

6. Masihan Amanat

• Tungtungna kudu aya pesen moral.

• Bisa ngeunaan kajujuran, ngahormat ka kolot, ngajaga lingkungan, silih bantu, atawa rajin diajar.